ఈ పుట అచ్చుదిద్దబడ్డది
రేకు: 0253-5 ముఖారి సం: 09-017
పల్లవి:
మగువ నేను నీవు మగవాఁడవు
తగ దొక్కజాతి గాదు తలవయ్య నీవు
చ. 1:
వేఁకపు వెన్నెలముగ్గు వేడుక నామోము నిగ్గు
చీఁకటినీలపుగీము జిగి నీమోము
యేఁకట నీకును నాకు నేఁటిపొందు నన్నంత
తాఁకనాఁడవద్దు వద్దు తలవయ్య నీవు
చ. 2:
కలువరేకులముంపు కలికి నీకనుసొంపు
జలజపురూపు నీ చాయలచూపు
యెలమితో నిందు కందు కేవూరి కేవూరు
తొలఁకు గచ్చులు మాని తొలవయ్య నీవు
చ. 3:
తనరుఁ గొండల తరతరము నావురము
మినుకువజ్రపుటేను మించు నీమేను
ఘనుఁడ శ్రీ వెంకటేశ కలయు నీరతులలోఁ
దనిసి నే నొక్క టైతిఁ దలవయ్య నీవు