ఈ పుట అచ్చుదిద్దబడ్డది
రేకు: 0280-1 హిజ్జిజి సం: 09-175
పల్లవి:
ఎఱిఁగినపనులకు నిఁకనేఁటికి నీకుఁ
దఱితో నవ్వేవారె తగు నింతేకాకా
చ. 1:
మగువలు వద్దనుంటె మఱతు వన్నిపనులు
తగిలి వెనకముందు తలపోసేవా
వెగటుగ నేముసేసే విన్నప మెందుకెక్కును
బగివాయకుండేవారి భాగ్య మింతేకాక
చ. 2:
కొంగువట్టి తీసితేనె గబ్బున లోనౌదువు
పంగించిచెప్ప నీ కొక్కపాటి వున్నదా
పొంగి నీబాసలు నేఁడు పొగడఁగ నేమున్నది
వుంగరపువేలివారి వోపి కింతేకాక
చ. 3:
కాఁగిలించి కూడితేనె కరఁగుదు వంతలోనె
దాఁగి పెనఁగఁగ నీకు తగవున్నదా
చేఁగదేరఁ గలసితి శ్రీవెంకటేశ నన్ను
వీఁగక నిలుచువారి వెర వింతేకాకా
