ఈ పుట అచ్చుదిద్దబడ్డది
రేకు: 0279-4 పాడి సం: 09-172
పల్లవి:
ఆపెకు నీకుఁ దెలుసు నటమీఁది పనులెల్లా
చేపట్టినే మింతకంటెఁ జెప్పఁగఁ జోటేది
చ. 1:
లోకములో నెవ్వతైనా లోఁచి మాటలాడఁగాను
పైకొనవి వానికిఁ బంతమేది
రాకలఁ బోకల నట్టె రాయడించి కొసరఁగ
మైకొని లోఁగాకున్న మగతనమేది
చ. 2:
నంటున నెవ్వతెయైనా నవ్వులు సారె నవ్వఁగా
యింటికి రాకున్నవాని యెరుకేది
జంటలఁ దనమొకము సారె సారెఁ జూడఁగాను
వెంటఁ దగులకున్నను విటతనమేది
చ. 3:
యెమ్మెచూపి యెవ్వతైనా యెదుటనే నిలుచుంటే
నెమ్మిఁ గలయనివాని నేరుపేది
కొమ్మను శ్రీవెంకటేశ కూడి నన్నుఁ గూడితివి
సమ్మతి నిటుగాకున్న జాణతనమేది
