ఈ పుట అచ్చుదిద్దబడ్డది
రేకు: 0278-4 భైరవి సం: 09-166
పల్లవి:
నాకుఁజూడ నిదె నీవు నావాఁడవు
లోకులమాటకెల్ల లోనైవున్నాఁడవు
చ. 1:
హత్తి నాకాత్మవుగాన అన్నియు విన్నవించితి
చిత్త మెట్టున్నదో చెప్పఁగరాదా
పొత్తులమగఁడవట పొరచి కాఁపురమట
యిత్తల నాపై భక్తి యింకా నీకుఁ గలదా
చ. 2:
అట్టె మన్నింతువుగన ఆనవెట్టి యడిగితి
జట్టిగా మోహము నీ కే సతిపైనయ్యా
చుట్టమ వందరికట చొట్లు నీకిన్నినట
ముట్టేవు నాచన్నులిఁక మోహమిందు గలదా
చ. 3:
నీవు నే నొక్కటిగాఁగ నిజము నిన్నాడించితి
దేవుళ్లు నీకెందరు తెలుపవయ్య
శ్రీవెంకటేశ నేను జిగి నలమేల్మంగను
తావుగాను రమించితి తగులింత గలదా