ఈ పుట అచ్చుదిద్దబడ్డది
రేకు: 0277-6 శంకరాభరణం సం: 09-162
పల్లవి:
ఎందుకైనావచ్చు నీతో యేలాటాలు
నిందలాడ మాకేల నీచిత్తమిఁకను
చ. 1:
నగినగి నీతోను ననుపు నటించితేను
యెగసక్కేలివియంటా నేల దూరేవు
పగటున నీతో పలుకకవుండితేను
అగడుసేసి యిట్టె అలిగితివనవా
చ. 2:
యెప్పటివలె నే నీతో యెదురుమాటాడితేను
తప్టులు వట్టితినంటాఁ దలవంచేవు
ముప్పిరి నీతోఁ గనక మోనాననేవుండితేను
కుప్పలూఁ దెప్పలునైన కోపములివెనవా
చ. 3:
నిలిపి కాఁగిట నిన్ను నిబ్బరానఁ గూడితేను
అలయించితినంటా నట్టే చూచేవు
చెలఁగి శ్రీవెంకటేశ సిగ్గున నే నుండితేను
వలవంతతోడి గర్వము లివియనవా
