ఈ పుట అచ్చుదిద్దబడ్డది
రేకు: 0277-1 మధ్యమావతి సం: 09-157
పల్లవి:
సారెకు వలవఁ బోతే చప్పనేకాదా
వూరకుండేవారిఁగంటే వొత్తరాదా నీకు
చ. 1:
మొగము నేఁ జూచితేను ముంచి నీవు నవ్వితివి
యెగసక్యానకో కాక యేపనికో
తెగి అంతేసి లోఁతులు తెలుకొ నెరఁగవు
పగటున నేము నగుఁబాటుగాదా నీకు
చ. 2:
పొంత నేఁ గూచిండితేను పొనిగి చోటిచ్చితివి
యెంత వొల్లఁబెట్లోకాక యేమిటికో
వింతగా నంతేసి వెల్లవిరసేయ నెరఁగవు
యింత దగ్గరితే యెడమియ్యవొద్దా నీకు
చ. 3:
సరసము నే నాడితే సరుగఁ గాఁగిలించితి
విరవుగా నెరిఁగితి వేమిటికో
గరిమ శ్రీ వెంకటేశ కలసితి విదెరఁగ
సరసకు వచ్చితేనె సందుగాదా నీకు