ఈ పుట అచ్చుదిద్దబడ్డది
రేకు: 0276-4 కేదారగౌళ సం: 09-154
పల్లవి:
ఆసుద్దులేల తడవే వాయలేవయ్య
సేసితివి చెప్పినటె చేకొనవయ్యా
చ. 1:
వున్నతి నీవద్దఁ బాయకుండినదె నేరుపు
నిన్నుఁబాసి వుండినదె నేరమి
అన్నియు నిన్ను వెనక ననఁగానేమి
చెన్నుమీరె గతజలసేతుబంధాలు
చ. 2:
సరి నిన్నుఁ బొగడేదె జాణతనము
కరి కరిఁబెట్టేదె గబ్బితనము
యెరవెల్లఁ బాసె దిఁకనేమి
మరలి వెదకు టెండమావులనీళ్లు
చ. 3:
చక్క నీమోము చూచుటె సరసము
వెక్కసపు మారుమోమె విరసము
గక్కన శ్రీవెంకటేశ కలసితివి
యిక్కువ లన్నియు నింక నింటిలోనిధానము