ఈ పుట అచ్చుదిద్దబడ్డది
రేకు: 0273-5 ఆహిరి సం: 09-143
పల్లవి:
సేతునో నీ మేన నెల్ల జీరలుగాను
ఆతల సూడువట్టే దదె చూచేఁ గాని
చ. 1:
ఱెప్ప లెత్తి చూచితేనె ఱేసు వుట్టె నిదె నీకు
దుప్పటి కొంగు వట్టితే దూర కుండేవా
చొప్పుగానా యించుకంతఁ జూతమువో యిఁక నేల
కప్పిన నీ బింక మెల్లఁ గనుఁగొనేఁ గాని
చ. 2:
కవ కవ నవ్వితేనె కాఁగిపడే విప్పు డిట్టె
తివిరి కాలు దాఁకితే తిట్ట కుండేవా
వివరించి అది వెల్లవిరి సేతునో వోరి
అవల నీతో జగడమైన నయ్యీఁ గాని
చ. 3:
ఆయము లంటఁగఁ బోతే ననుమానించే వందుకు
చేయి వేసి కూడితేను చిక్క కుండేవా
చాయల శ్రీ వెంకటేశ సమ్మతించి కూడితివి
సేయఁగలవి సేతునో చేరి మొక్కేఁ గాని
