ఈ పుట అచ్చుదిద్దబడ్డది
రేకు: 0273-4 ముఖారి సం: 09-136
పల్లవి:
ఇంత సేసినట్టి పతి నే మందమే
మంతుకు నెక్కించినట్టి మనసు నే మందమే
చ. 1:
చెక్కునఁ బెట్టెను చేయి చిత్తములోపలి నూయి
యిక్కడ నీసతి భావ మేమందమే
ముక్కునఁ గీలించె వేలు మొనగోర నదె వ్రాలు
మక్కువ యింతసేసిన మరుని నే మందమే
చ. 2:
కన్నుల నించెను నీరు కలిగెఁ బయ్యద జారు
యెన్నఁగ నీ యింతి మోహమే మందమే
పన్నుకొనె నిట్టూర్పు పారదోసె తన నేర్పు
యిన్నిటాను నోముఫల మిఁక నే మందమే
చ. 3:
చెలిపై వేసెను మేను సిగ్గుల మునిఁగెఁ దాను
యెలమి నీ చెలి మర పే మందమే
అలరి శ్రీవెంకటేశుఁ డంతలో విచ్చేసి కూడె
తలఁపు ప్రేరేచినట్టి దైవము నే మందమే