ఈ పుట అచ్చుదిద్దబడ్డది
రేకు: 0273-2 సామంతం సం: 09-134
పల్లవి:
చాలుఁ జాలుఁ బొగడకు జాణకాఁడే
నాలి నేఁ దనిసితిఁబో నాఁడు నాఁడే
చ. 1:
తనకు వలచినట్టి తరుణి సూర్పనకను
పెను ముక్కుగోసిన బీరగాఁదే
మునుపనె వుపకారము నున్న బలి నట్టె
పనివడి కట్టినట్టి పంతగాఁడే
చ. 2:
కోరి తన్నుఁ గూడినట్టి గొల్లల మానములు
మేర మీరి చేకొనిన మేటివాఁడే
కౌరవులఁ బాండవులఁ గడుఁ జుట్టాల నెల్ల
పోరువెట్టి యంపినట్టి పుణ్యపువాఁడే
చ. 3:
నిండు వురమున నింతి నిలిపి శ్రీ వెంకటాద్రి
కొండమీఁద నెక్కుకొన్న కోడెకాఁడే
అండనిట్టె నన్నుఁ గూడి ఆయము లంటిమెప్పించి
దండియై మెరసినట్టి దైవపువాఁడే
