ఈ పుట అచ్చుదిద్దబడ్డది
రేకు: 0272-6 బౌళి సం: 09-132
పల్లవి:
మేఁటులాల బోఁటులాల మీ రెరఁగరా నన్ను
నీటునఁ దా నొద్ద నుంటె నేర మెంతునా
చ. 1:
మోము చూడఁగా నేను మొరఁగి నవ్వితిఁ గాక
తా ముందు వూరకుంటెఁ దడవితినా
ప్రేమమునఁ బిలువఁగా బెట్టి వూఁకొంటిఁ గాక
దోమటిఁ దడవకుంటె దొమ్మి సేతునా
చ. 2:
చెక్కు నొక్కఁగా నే జీర వారించితిఁ గాక
చక్క నుంటెఁ దన్ను నే సాదింతునా
నిక్కి పూవుల వేయఁగా నీటునఁ దిట్టితిఁ గాక
మిక్కిలి గుట్టున నుంటె మితిమీరుదునా
చ. 3:
బలిమిసేయఁగఁ దన్నుఁ బైకొని కూడితిఁ గాక
చలమున బంత మంటె సాగనిత్తునా
యెలమి శ్రీవెంకటేశు నింపులఁ జొక్కితిఁ గాక
తలఁ పెరఁగక వుంటె దగ్గరుదునా
