ఈ పుట అచ్చుదిద్దబడ్డది
రేకు: 0272-5 ఆహిరి సం: 09-131
పల్లవి:
అయ్యో తా నేమని నప్పటిఁ దాను
పయ్యదలో సిగ్గు దాఁచి బడలఁగాను
చ. 1:
చూపులనె గుండె వట్టి సుద్దులనె మిన్ను ముట్టి
దాపు సేసుకొని తన్నుఁ దలఁచఁగాను
తీపు మేలములఁ జిక్కి దిక్కులఁ దనకు మొక్కి,
తోపు నూకుడు వయసు దొబ్బఁగాను
చ. 2:
ఆసఁ బులకలు వెంచి అంగము చెమట ముంచి
బాసలు తనవి నమ్మి బతుకఁ గాను
వాసికిఁ దనువు మోచి వంతుకుఁ బ్రాణముగాచి
వోసరించి వూరకె నే నుండఁగాను
చ. 3:
తానె నే నని యాడి దగ్గరి కాఁగిటఁ గూడి
నానిన నవ్వులు గుట్టు నడపఁగాను
యీ నెపాన శ్రీ వెంకటేశుఁ డింతలో నన్ను
పూనుక మన్నించె నని పొగడఁగాను