ఈ పుట అచ్చుదిద్దబడ్డది
రేకు: 0272-1 లలిత సం: 09-127
పల్లవి:
చెల్లుఁ జెల్లు నీకు నాకు సిగ్గు మరఁగు
యెల్లభావము గంటి మిఁక నేల మరఁగు
చ. 1:
మోవిమీఁది కెంపులకు మోనమె మరఁగు
కావికన్నులకు నిద్ర కడు మరఁగు
తేవల నిట్టూర్పులకు తీగెనవ్వె మరఁగు
యీవిధాలు గంటి నాతో నిఁక నేల మరఁగు
చ. 2:
చెక్కులచెమటలకు చెంపచేయి మరఁగు
మిక్కిలి వులకలకు మెయిపూఁత మరఁగు
తక్కి మోము వాఁడుటకు తమ్ములము మరఁగు
యిక్కడ నిన్నిఁ గంటి నిఁక నేల మరఁగు
చ. 3:
కూడినకూటమునకు గుట్టు యిదె మరఁగు
జాడల నీ మేనికి నా చన్నుదోయి మరఁగు
వేడుకకు శ్రీ వెంకటేశ వేసాలు నీ మరఁగు
యీడ నిన్నిఁ బచ్చిదేరె నిఁక నేల మరఁగు