ఈ పుట అచ్చుదిద్దబడ్డది
రేకు: 0271-4 వరాళి సం: 09-124
పల్లవి:
కంటి నే నంతలోఁ గడల మీ భావము
దంటలగు మీర లిద్దరు జాణలే
చ. 1:
పెడమరలి అటుచూచి పెదవులనె నినుఁ దిట్టి
పడఁతి మరలెను నీవు పై కొనినను
గొడఁగుచును బొమ్మలనె గొబ్బుననుఁ గోపించి
అడఁగి తలవంచె నీ వపు డేమి సేసితో
చ. 2:
తళుకునను నిన్నుఁ గనుఁదమ్ములనె జంకించి
బెళకి నిలిచెను నీవు పేరుకొనఁగ
వులికిపడి నిన్ను నిట్టూర్పులనె కడుఁ గసరి
చెలుల మొరఁగెను నీవు చెనకఁగాను
చ. 3:
కొమ్మ కాఁగిటఁ గూడి కొనగోర నిను నడిమి
వుమ్మడిఁ గమ్మరఁ దానె వూరకుండి
చిమ్ములఁ బూఁబొదరింట శ్రీవెంకటేశ్వరుఁడ
నెమ్మది నుంటిరి కళలునిండె మోమునను