ఈ పుట అచ్చుదిద్దబడ్డది
రేకు: 0270-5 శ్రీరాగం సం: 09-119
పల్లవి:
ఇంత చాలదా యింతి కిదొకటే
రంతుల రమణుని రప్పించెఁ గనక
చ. 1:
పలికిన పలుకుకు పంతం బొకటే
వెలఁది విభుని నవ్వించెఁ గనక
నిలిచిన నిలువుకు నిచ్చల మొకటే
మలయని పతిఁ బెడ మరలించెఁ గనక
చ. 2:
చూపు చూచుటకు సోద్యం బొకటే
యీపతిఁ జెమటల నెనపెఁ గన
తీపుల నటనకు తేజం బొకటే
కోపపుఁ బతి నూఁ కొనిపంచెఁ గనక
చ. 3:
ఘనమగు రతులకుఁ గైవస మొకటే
పెనఁగుల మైమరపించెఁ గన
వనిత కిదొకటే వడి శ్రీ వెంకట
ఘనుని మన్ననలు గైకొనెఁ గనక
