ఈ పుట అచ్చుదిద్దబడ్డది
రేకు: 0270-3 ముఖారి సం: 09-117
పల్లవి:
అయినట్టయ్యీఁ గాక అంతయేఁటికే
పయిపై గలపితివి పాఁచి యేఁటికే
చ. 1:
వల్లెవాటుఁ బయ్యదతో వాడుఁగొప్పు విరులతో
చల్లె లమ్మె గొల్లెతవు జంకె నేఁటికే
చిల్లర చెమటతోడ చిక్కని వూర్పులతోడ
గొల్లలెక్క లాడేవు కోప మేఁటికే
చ. 2:
పులకజొంపాలతోడ బొమ్మంచు మోవితోడ
కొలచినందె కొలచి కొంక నేఁటికే
కలకల నవ్వుతోడ కందువ సిగ్గులతోడ
వెలయఁగఁ జెప్పేవు వింత లేఁటికే
చ. 3:
పుక్కిటి విడెముతోడ పూఁతల గందముతోడ
అక్కునఁ బోసి చూపే వాన లేఁటికే
యెక్కువల శ్రీ వెంకటేశుఁడనైన నన్ను
గక్కనఁ గూడితి వింక గద్దించ నేఁటికే