ఈ పుట అచ్చుదిద్దబడ్డది
రేకు: 0270-2 సామంతం సం: 09-116
పల్లవి:
నీకు నీకె మాకు మాకె నేరుపులు
ఆకడ నీకడ నేమంత కోపఁ గలమా
చ. 1:
మందమిరియాలువో నీమాటలు
నిందలకు గురివో నీనీటులూ
సందడిఁ బెండ్లివో నీ సరసాలూ
అందపు రమణుఁడ నే మంత కోపఁ గలమా
చ. 2:
సూదుల మూటలువో నీ సుద్దులూ కడుఁ
బోది సేసేకొలఁది నీబుద్దులు
గాదెల కొలుచువో నీ గాథలు
ఆదెస నీదెస నే మంత కోపఁ గలమా
చ. 3:
ముట్టితేనె ముయివో నీ మొక్కులు
చెట్టునఁ జేటఁడువో నీచిక్కులు
గుట్టున శ్రీవెంకటేశ కూడితివి యిఁక
నట్టు నిట్టు నిన్ను నాడ నంత కోపఁ గలమా
