ఈ పుట అచ్చుదిద్దబడ్డది
రేకు: 0270-1 నాదరామక్రియ సం: 09-115
పల్లవి:
చెల్లని చేఁతలు చెల్లీఁ జెలియ నీ కిట్లని
అల్లదె నీ పతి నిన్ను నడిగి రమ్మనెనే
చ. 1:
నాతి నీ మోముఁ దమ్మిలో నవ్వువెన్నెలలు గాసె
యీతల నందుకు నిందు కేమి వోదే
నీతుల నీ యెదుటను నీ రమణుఁ డిటు చూచి
ఆతల నీ భావము అడిగి రమ్మనెనే
చ. 2:
కేరి కన్నుఁగలువల కెంపు సూర్యోదయ మాయ
యేరీతి నందుకు నిందు కేమి వోదే
కారణము లేని చేఁత కమ్మర నీ పతి చూచి
ఆరసి నీ భావము అడిగి రమ్మనెనే
చ. 3:
జక్కవచన్నుల మీఁద చంద్రవంక లటు నించి
తక్కి శ్రీవెంకటపతి తానె చూచె
యిక్కువతో నిన్నుఁ గూడి యెదురుమేడ యెక్కి
అక్కడ నీ భావము అడిగి రమ్మనెనే