ఈ పుట అచ్చుదిద్దబడ్డది
రేకు: 0269-6 బౌళిరామక్రియ సం: 09-114
పల్లవి:
ఒద్దు మమ్ముఁ జెనకక వుండుమనవే
యిద్దరము నెదురైతి మింతె పొమ్మనవే
చ. 1:
పాలవంటికులము మా భావము నిచ్చలము
నాలి మమ్ముఁ జూచి యేల నవ్వీనె తాను
పోలింప మా యంకులును పుప్పొడిమై సంకులు
చాలు నిది చూచి తాను సన్నలేల సేసీనే
చ. 2:
మోచేవి చల్లలు నేము ముడిచేవి మొల్లలు
పూఁచి యేల రట్టుసేసి పొంచీనె తాను
కాచేదా మా మందలు కడసారె నిందలు
యేచి తాను మమ్ము గేలి యేల సేసీనే
చ. 3:
గుంపెన మా నడపు కొప్పు గడు నిడుపు
తెంపున మమ్మేల యింత తేల నాడీనే
యింపుల శ్రీవెంకటేశుఁ డింతలోనె మమ్ముఁ గూడె
సంపదల మమ్ము నేల సాదించీనే