ఈ పుట అచ్చుదిద్దబడ్డది
రేకు: 0269-2 మంగళకౌశిక సం: 09-110
పల్లవి:
ఏకచిత్త మైనప్పు డిన్నియు మరెయ్యీఁ గాని
నాకు నీ వేళకు నీ నవ్వులె చాలు
చ. 1:
చిక్కువడివున్నది నాచిత్తము నీ
చెక్కులఁ జిందరలైన జీరలవలె
చక్క నన్ను మాటాడించకురా నీవూ నీకు
మొక్కేను నా కింక మోనమె చాలు
చ. 2:
కడుఁ గాఁక రేఁగె నా కాయము నీ
కడల పుక్కిటతమ్మకారమువలె
పడి నా పయ్యెదకొంగు పట్టకురా నీకు
వెడఁ బంత మిచ్చే నాకు విరహమె చాలు
చ. 3:
పరవశమాయ నా భావము
గరిమ నిద్దురల నీ కన్నులవలె
యిరవై శ్రీవెంకటేశ యేలితివి యిది
మరిగితిమి నాకు నీ మన్ననె చాలు
