ఈ పుట అచ్చుదిద్దబడ్డది
రేకు: 0269-1 ముఖారి సం: 09-109
పల్లవి:
కాఁగలదయ్యీఁ గాక కాఁక లేఁటికే
దాఁగ నేల యింతలోనె తానె నే ననవే
చ. 1:
కంటిచూపు వాఁ డాయ కమ్మనవ్వు వేఁడాయ
యింటిలో నింకా బుద్దులేమి చెప్పేవే
కుంటెనలు విసుపైఁ గోరికలు ముసిపై
అంటఁగాక వున్నదాన నానవెట్ట నేఁటికే
చ. 2:
మంతనాలు దరచాయ మాటపట్టు గురుచాయ
యెంత కెంత వొడఁబాట్లిఁక నేఁటికే
దొంతులాయఁ గూరిములు దూరులాయ నేరములు
వంతులు వాసులు నింక వద్దనవే
చ. 3:
చిత్తమెల్ల నీ రాయ సిగ్గు లెల్ల జారాయ
యిత్తల వెనకసుద్దు లిఁక నేఁటికే
అత్తిన శ్రీవెంకటేశుఁ డాదరించి నన్నుఁ గూడె
తత్తరపు వేడుకలు దలకూడెనే
