ఈ పుట అచ్చుదిద్దబడ్డది
రేకు: 0267-5 సామంతం సం: 09-101
పల్లవి:
ఆఁటదాని కింత యేల అంతలోని పనికిఁగా
పూఁటపూఁటఁ దనతో నేఁ బోరనేలా
చ. 1:
వలవని పతికె వలచే యా రోఁత లేల
మలసెటి విరహాగ్నిమంట లేదా
పలుకని పతితోడఁ బలుకఁగ నది యేల
ములుగుచుఁ బానుపుపై మోనము లేదా
చ. 2:
యింటికిరానిపతికి నెదురు వోవఁగ నేల
జంటయి మునుఁగఁ జింతాజలధి లేదా
నంటులేని పతితోడ నవ్వఁబో నంత యేల
అంటరాని చిగురాకుటమ్ములు లేవా
చ. 3:
కడదొక్కె పతితోడఁ గాఁగిలించ నిది యేల
ముడిచి యవ్వలి మారుమోము లేదా
అడరి శ్రీవెంకటేశుఁ దాదరించి నన్నుఁ గూడె
సడి వూరకే యంటి సరసము లేదా
