ఈ పుట అచ్చుదిద్దబడ్డది
రేకు: 0267-4 బౌళి సం: 09-100
పల్లవి:
అయినట్టయ్యీఁ గాని అల్లాడనే
పయిపూఁత సటమాని పదరాదా
చ. 1:
కన్నులఁ జూడనిదానవు మమ్ముఁ గవకవ నవ్వనేలెనీ
చిన్నిమోమెత్తనిదానవు చెక్కుచెమరించనదియేలె
కన్నె సిగ్గువడ్డదానవు నన్నుఁగడునిక్కిచూడనేలె యీ
పన్నెటి మాయలు మాని పదరాదా
చ. 2:
పొంచి మాటాడనిదానవు మాతో బొమ్మలజంకించనేలె నా
మంచానకు రానిదానవు నీవు మరి వుస్సురననేలె
కంచపు పంతపు దానవు మా కత లాలకించ నేలెయీ
పంచల మాయలు మాని పదరాదా
చ. 3:
వొలిసీ నొల్లనిదానవు నీ వొళ్లు పులకించ నేలె నేఁ
గలసితి శ్రీ వెంకటపతిని
బలిమిఁ బెనఁగేదానవు యిట్టె పరవశ మందనేలెనీ
పలుకుల మాయ మాని పదరాదా
