ఈ పుట అచ్చుదిద్దబడ్డది
రేకు: 0013-2 ముఖారి సం: 05-075
పల్లవి:
పొదలు నీ సొబగెల్ల పోదేల కొల్ల
తుదలేని నీ మేలు దొరకెఁగా నాకు
చ. 1:
ఒడలిపై నీచెమట వూరు వాడెడు చెలమ
జడియు నీ తమకంబు సంత తగరు
కడగంటి నీచూపు కట్ట వదలిన క్రేపు
వడి నిన్నుఁ గరఁగింప వశమా నాకు
చ. 2:
చిఱునవ్వు నీపలుకు జిగురు చుట్టిన కండె
తెఱవలకు నీ మోవి తెరువు పెసరు
పఱచు నీనునుఁజేఁత బట్టబాయిటి యీఁత
తఱి నిన్నుఁ బైకొనఁగ దరమా నాకు
చ. 3:
చెలువంపు నీ చెలిమి చెఱకు వండిన పండు
కెలపు నీ యలుక తంగేటి జున్ను
చలివాపు నీచనవు జాజులుఁ ప్రాసాదంబు
కలిగె నీకరుణ వేంకట విభుఁడ నాకు
