ఈ పుట అచ్చుదిద్దబడ్డది
రేకు: 0011-5 పాడి సం: 05-066
పల్లవి:
సుతుని నరకునిఁ జంప జూచినాఁడవు సుమ్మీ
మతి నన్నుఁ దలచక మానిన నీకాన
చ. 1:
ఎత్తుక నితోడఁ బుట్టు హిరణ్యకశిపుని
నెత్తురు దాగితి సుమ్మీ నేఁడే రాకుంటే
ఉత్తలాన నేడనైనా నుండుదువో యని భీతి
బిత్తరముగాఁ బెట్టితి పెట్టరాని యాన
చ. 2:
కప్పుక నీ మేనమామ కంసుని ప్రాణానకు
తప్పినవాఁడవు సుమ్మీ తడసితేను
ఇప్పుడిట్టే నీవు రాని యీరసానఁ బ్రియములు
చెప్పలేక పొడిచితి చెడుగైన యాన
చ. 3:
సిరుల మేన మరఁది శిశుపాలు నీ విట్టే
పొరిగొంటివి సుమ్మీ పోయితే నీవు
తిరువేంకటేశ నన్నుఁ దివిరి కూడి వని
కరుణఁ బెట్టితి నీకుఁ గపటాన నాన
