ఈ పుట అచ్చుదిద్దబడ్డది
రేకు: 0011-6 శుద్ధవసంతం సం: 05-067
పల్లవి:
చాలదా యీ చనవులు
మేలపు సేఁతల నిన్ను మెచ్చించ గలిగె
చ. 1:
ఎంతటిదిరా నిన్ను విందాఁక రానీక
పంతమాడి వలపించి బాసగొన్నది
ఇంతి నోఁచినట్టి నోము యెటువంటిదో నీ
చెంతఁజేరీ నీ మంచి చెక్కు నొక్కఁగలిగె
చ. 2:
ఎవ్వతెరా నిన్ను నెలయించి తన నిండుఁ
జవ్వనము విలువిచ్చి జట్టి గొన్నది
అవ్వల దాని భాగ్యమది యెట్టిదో నీవు
పవ్వళించు పరుపుపై పవ్వళించఁ గలిగె
చ. 3:
ఎట్టిదిరా సతి నిన్ను యింటిలోన వెళ్ళనీక
పట్టుకొని కౌఁగిటిలోఁ బాయనీనిది
అట్టె నిన్ను తిరువేంకటాధీశుఁడా నీవు
దట్టించు నీ కౌఁగిటిలో తగులఁగఁ గలిగె
