ఈ పుట అచ్చుదిద్దబడ్డది
రేకు: 0011-4 కాంభోది సం: 05-065
పల్లవి:
పొందెఱుఁగుదునందువు భోగినందువు నీ-
యందరు సతులకు నేనాకు మడిచిత్తునా
చ. 1:
ఎవ్వతెకైనాఁ జనవిచ్చేవు మెచ్చేవు నీ-
నవ్వులకైనాను మన్ననఁ జూచేవు
అవ్వలి యివ్వలి నీ యంగనల వొద్దను
పవ్వళించి వుండఁగా నే బాదములొత్తుదునా
చ. 2:
ఏపున నెక్కడికైనా నేఁగేవు దాఁగేవు నీ-
కోపాన నాతోనైన మేకులు సేసేవు
వైపున నీవెందుండైనా వచ్చిన నేనంతలో-
నోపికనప్పుడు నీ కూడిగాలు సేతునా
చ. 3:
వేడుకలెందైనాఁ బారవేసేవు నీ-
వాడికచేఁతలెన్నైనా వన్నె వెట్టేవు
ఈడు లేని తిరువేంకటేశ కూడితివి నన్ను
వాడుచు నీ తోడ నేను వాసి చూపఁగలనా
