ఈ పుట అచ్చుదిద్దబడ్డది
రేకు: 0011-1 శుద్ధవసంతం సం: 05-062
పల్లవి:
మెచ్చితి బళిరా వోరి మేటిజాణ నన్నుఁ
బచ్చి చేసేదింత నీకు బంతమా లోకానను
చ. 1:
ఏకతాన సొలసి నేనేమి నీతోఁ బలికినా
ఆకెతోనే విన్నవించేవాపఁగ లేక
పైకొని వలచి కిందుపడిన యింతులమాఁట
కాకు సేసే మగవాఁడు గలఁడా లోకానను
చ. 2:
చక్కఁగా నేఁదీసిన సన్నపు నీపై రేక
యెక్కువ నాకెకే చుపేవేతులకును
మక్కువ నిలుపలేని మగువల వెలిపుచ్చి
వెక్కమయినవాఁడు విభుఁడా లోకానను
చ. 3:
ఉండలేక చేతనున్న వుంగరమిచ్చినఁ బోయి
వెండియు నాకెకేయిచ్చి విఱ్ఱవీఁగేవు
కండగట్టుకొంటివా వేంకటరమణుఁడ దీన
బండుసేసితివి నన్ను బాపురా లోకానను