ఈ పుట అచ్చుదిద్దబడ్డది
రేకు: 0010-6 రామక్రియ సం: 05-061
పల్లవి:
వద్దే గొల్లెత వదలకువేఁ నీఁ
ముద్దు మాటలకు మొక్కేమయ్యా
చ. 1:
యేలే యేలే యేలే గొల్లెత
నాలాగెఱఁగవా నన్ను నేఁచేవు
చాలుఁజాలు నిఁకఁజాలు నీరచనలు
పోలవు బొంకులు పోవయ్యా
చ. 2:
కానీ కానీ కానిలే గొల్లెత
పోనీలే నీవెందు వోయినను
మాని మాని పలుమారుఁ జెనుకుచు మా-
తోనిటు సొలయక తొలవయ్యా
చ. 3:
రావా రావా రావా గొల్లెత
శ్రీవేంకటగిరి చెలువుఁడను
నీవె నీవె నను నించితి కౌఁగిట
కైవశమైతినిఁ గదవయ్యా