ఈ పుట అచ్చుదిద్దబడ్డది
రేకు: 0009-2 భైరవి. సం: 05-051
పల్లవి:
కాలమెల్లా మోసపోవు కానియ్యరా కల-
కాలమెల్లా జరుపేవు కానియ్యరా
చ. 1:
ఎడపుల జవ్వనపుటింతి నొకతెఁ గూడి
కడలనే తిరిగేవు కానియ్యరా
మెడగట్టుకొకతెకు మేలుఁవాడవై నీవు
కడవ బొంకేవు నాతో కానియ్యరా
చ. 1:
బంగారు మెఱుఁగుచాయ పడఁతినొకతె గూడి
కంగనాడేవు నాతో కానియ్యరా
అంగన నొకతె వెనకమర దాచుకొని చొఁ
క్కంగఁ జేసి ముద్దాడేవు కానియ్యరా
చ. 3:
సంపద గలాసెఁ గూడి సరములాడుచు
కంపులే పూసేవు కానియ్యలా
వెంపరలాడుచు నీ వెంటనొకతె రాఁగా
కంపించకు వేంకటేశ కానియ్యరా
