ఈ పుట అచ్చుదిద్దబడ్డది
రేకు: 0009-1 శ్రీరాగం సం: 05-050
పల్లవి:
వద్దు నీకు నాతోడి వట్టిమాటలు
ముద్దులు నీపైఁ గునిసి మురిసీఁబో యిఁకను
చ. 1:
ఈడ వచ్చి ప్రియము నాకేమి చెప్పేవిందాఁకాఁ
గూడినాకెకే ప్రియము గులుకరాదా
వాడిక నిందాఁక నీవు వచ్చిన నేరమికి
సూడుఁ బాడుఁ జెనకీఁ బో సొలపుఁ జేఁతలనే
చ. 2:
ఎదిరి నావంకఁ దప్పకేమి చూవేవిఁక నీ-
ముదితపైనే చూపులు ముంచరాదా
మెదలి నా ముంగిలిది మెట్టిన తప్పునకును
సద చేసి జగడాలు చల్లెడిఁబో యిఁకను
చ. 3:
ఇట్టు నట్టుఁ జెఱఁగు నాకేల పట్టేవిదె మున్ను
పెట్టినాకెకే చెఱఁగు పట్టరాదా
వెట్టికూటములు చాలు వేంకటేశ యిదె నిన్ను
బెట్టుగాఁగా నలుకలఁ బెట్టుఁగదా యిఁకను