ఈ పుట అచ్చుదిద్దబడ్డది
రేకు: 0008-3 కాంభోది సం: 05-046
పల్లవి:
ఎప్పుడు గాని రాఁడో యెంతదడవాయ కాలి-
చప్పుడాలకించి మతి జల్లురనెనమ్మా
చ. 1:
ఇద్దరమదరిపాటు యేకాంతాన నాడుకొన్న-
సుద్దులు దలఁచిమేను చురుకనెనమ్మా
పెద్దగాఁ గస్తూరిబొట్టు పెట్టిన నాతఁడు గోర
తిద్దుట దలఁచి మేను దిగులనెనమ్మా
చ. 2:
పాయక యాతఁడూ నేనుఁ బవ్వళించే యింటివంకఁ
బోయి పోయి కడుఁ జిన్న బోతి నోయమ్మా
తోయపు గుబ్బల చన్నుదోయి మీఁద వాఁడొ త్తిన-
పాయపు జంద్రుల జూచి భ్రమసితినమ్మా
చ. 3:
కూడిన సౌఖ్యములందు కొదలేని వాని నా-
వేడుక మతి దలఁచి వెరగాయ నమ్మా
యీడులేని తిరువేంకటేశుఁడిదె నాతోడ
నాడినట్టే నాచిత్తమలరించె నమ్మా