ఈ పుట అచ్చుదిద్దబడ్డది
రేకు: 0008-1 భైరవి సం: 05-044
పల్లవి:
కోవిల పలుకదు కొమ్మావిలతల
దైవిక మిదివో తలకిందాయ
చ. 1:
ఇటునటు యినుఁడిదె యెండలు గాసీ
నటుగతి గిరుల నభములందు
అటువలెఁ గప్పిన యంధకారమిదె
నిటలపుటలుకల నిక్కములాయ
చ. 2:
వెగటునఁ దోఁటల వెన్నెలగాసీ
ఒగిఁ గలువకొలకు లుబ్బఁగను
అగపడి అటువలెనైనాఁ జెలి నీఁ
మొగమునఁ గోపము ముచ్చటలాయ
చ. 3:
సొరిది నలుగడలఁ జుక్కలు గాసీ
నరుదుగ నే నిట్లయినాను
తిరువేంకటగిరి దేవుని కౌఁగిట
కరుణ మన్మథ గ్రహణంబాయ