ఈ పుట అచ్చుదిద్దబడ్డది
రేకు: 0094-3 ఆహిరి సం: 05-376
పల్లవి:
నిన్నుఁ గూడిన విభుని నిలువెల్ల సొంపాయ
నిన్నియును నొనగూడె నింతలోపలనె
చ. 1:
సొలపు నీ కడగంటిచూపు హృదయము గాఁడి
లలినితఁడు శ్రీవత్సలాంఛనుండాయ
వెలఁది నినుఁ బెడఁ బాసి విరహంపుమెయికాఁక -
వలన నీతఁడు నీలవర్ణుఁడైనాఁడు
చ. 2:
అదన నీ చనుగుబ్బలను చక్రముల చేతఁ
బదిలపరపుచు చక్రపాణియైనాఁడు
సుదతి నీ దేహమున సొబగు కుంకుమపూఁత-
లెదిగి పీతాంబరంబీతనికి నాయ
చ. 3:
ఆలింగనాపేక్షననయంబు నినుఁగూడ
లోలుఁడటుగాన నాలుగుచేతులాయ
శ్రీలలితమూ ర్తియగు శ్రీ వేంకటేశ్వరుఁడు
పాలించె నిను నీకుఁ బరితోషమాయ