ఈ పుట అచ్చుదిద్దబడ్డది
రేకు: 0006-5 హిజ్జిజి సం: 05-036
పల్లవి:
కటకటా యిట్లాయఁగా పనులు చెలిపలుకు
కిటుకుఁగీరములు మును కిందుపడి గెలిచె
చ. 1:
ఇంతిముఖచందురుఁడు నీకుముదబాంధవుఁడు
నింతచలమునఁ బోరిరిన్నాళ్ళును
కాంతుఁడవు నీవలుగఁగాఁ జెలికి నీ విరహ-
సంతాపములు రేఁచి జలజారి గెలిచె
చ. 2:
వనజాక్షిచూపులును వలరాజుతూపులును
యెనయకే జగడించె నిన్నాళ్ళును
కినిసి నీవీయతివకెలనఁ దిరుఁగఁగ విరుల-
ననలె కడువాండ్లై నలుగడల గెలిచె
చ. 3;
లతలు పూవులతావిలంచములు చెలిమేన
యితవుగా వడినొసఁగె నిన్నాళ్ళును
సతిగెలిచె వేంకటేశ్వర నీ కరుణనిపుడు
ధృతిఁబూని జవరాలు తిరుఁగఁ దా గెలిచె