ఈ పుట అచ్చుదిద్దబడ్డది
రేకు: 0091-4 ముఖారి సం: 05-359
పల్లవి:
మాటలు నేరుతువుగా మాయమ్మా
యేఁటికి నాతని నీవే యేలవమ్మా
చ. 1:
చేయరాని విన్నపాలు నేసిసేసి విభునింత
మాయలఁబెట్టితివి గా మాయమ్మా
రాయడించి యిఁకను నారాజ్యమెల్ల నీవే
నేయవమ్మా నేనేమి సేసేనమ్మా
చ. 2:
ఎందును నీకతఁడు నోరెత్తకుండ మంత్రాలు
మందులు నేరుతువుగా మాయమ్మా
చెందరాని సుఖమెల్లఁ జెలఁగి యాతఁడు నీవే
చెందవమ్మా నాకేల చిన్నదానికమ్మా
చ. 3:
వన్నెల వేంకటపతి వలఁబెట్టి యతనిచే
మన్ననఁ బొందితిగా మాయమ్మా
నన్నుఁజూడుమిఁకను నీ ననిచిన యతని నే
సన్నలఁ జిక్కించుకొంటిఁ జాలదా నాకమ్మా
