ఈ పుట అచ్చుదిద్దబడ్డది
రేకు: 0091-3 దన్నాసి సం: 05-358
పల్లవి:
ఏమి బాఁతి నేఁడిదె నీకు మముఁ
గామించు సిరులింతె కదవయ్యా
చ. 1:
వెనక ముందర వెలయఁగ ముందర-
వెనకలింతే విభవాలు
వనితల పిఱుఁదులు వాఁడికుచములు కొప్పు
కనుఁగొన భ్రమలింతె కదవయ్యా
చ. 2:
వెలుఁగు చీఁకటి విరసాలు విభవాలు
కలిమిలేములే కదవయ్యా
పలువన్నె మాటలు పనితేటలు నివి
కలవెంత కలలింతె కదవయ్యా
చ. 3:
పగటుగుబ్బలు పాయపునడపులు
తగులుమాఁటలు తమకయ్యా
తగు వేంకటగిరిదైవమ నీ పొందు
తగులు దొరకుటమృతము సోఁకుటయ్యా
