ఈ పుట అచ్చుదిద్దబడ్డది
రేకు: 0091-2 భైరవి సం: 05-357
పల్లవి:
ఎవ్వతెరా నినుఁజూచె నేమని పుత్తెంచె
పువ్వుబంతి నిను వేసి పొందుచూపి మొక్కినది
చ. 1:
వీడియు వీడని కొప్పు వేఁగున వీఁగుచు మాట -
లాడియు నాడక చెలినల్లన దూరినది
వాడియు వాడని తమ్మివంటిమోము గలది తాఁ
జూడక చూచిన వాలుఁజూపుల బిత్తరిది
చ. 2:
జారియు జారని గుబ్బచన్నుల పయ్యెదది లో-
నారియు నారని కోపమైన మోహముది
పేరియుఁ బేరనికాఁక- బెచ్చువెరిగినది తాఁ
జేరియుఁ జేరక నీ చేరువ దాఁగినది
చ. 3:
మాట లాడుచును మోవి మఱఁగు నేసినదొక-
పూఁటలోనె నీ కౌఁగిటి పొందులనుబ్బినది
యేఁటికిరా తిరువేంకటేశుఁడ బొంకఁగ నీ-
నాటకపు బ్రియముతో నన్నుఁ గలసితివి