ఈ పుట అచ్చుదిద్దబడ్డది
రేకు: 0090-5 శ్రీరాగం సం: 05-354
పల్లవి:
కూరిమిచేఁతలు కొండలుఁ గోట్లయి
గారవించి యింతిఁగాచినది
చ. 1:
వన్నెల మాటల వాకిటితంగెటి-
జున్నుకు వడగాలి సోఁకినది
విన్నని చూపుల వెన్నెల బయిటను
సన్నపు ముత్యాలు చల్లినవి
చ. 2:
ముద్దుల నవ్వులు ముంగిటిబంగారు
అద్దములోఁ జిగురంటినది
తిద్దిన మెఱుంగు దీఁగెకుఁ బన్నీట-
నద్దుట గడు వేడుకైనది
చ. 3:
చక్కని కొండల చరులీ వెన్నెల-
వక్కలు పైపైనె వాలినవి
యెక్కువై శ్రీ వేంకటేశుని కౌఁగిటి-
నొక్కుల కిట్టే నోఁచినది