ఈ పుట అచ్చుదిద్దబడ్డది
రేకు: 0090-4 కేదారగౌళ సం: 05-353
పల్లవి:
సువ్వి సువ్వి సువ్వని
సుదతులు దంచెదరోలాల
చ. 1:
వనితల మననులు కుందెన చేసిటు
వలపులు తగ నించో లాల
కనుసన్నలనెడు రోఁకండ్లను
కన్నెలు దంచెదరోలాల
చ. 2:
బంగారు చెరఁగుల పట్టుపుట్టముల-
కొంగులు దూలఁగనోలాల
అంగనలందరు నతివేడుకతో
సంగడి దంచెదరోలాల
చ. 3:
కురులు దూలఁగ మంచి గుబ్బచన్నులపై
సరులు దూలాడఁగ నోలాల
అరవిరి బాగుల నతివలు ముద్దులు
గురియుచు దంచెదరోలాల
చ. 4:
ఘల్లు ఘల్లుమని కంకణరవములు
పల్లవ పాణులకోలాల
అల్లన నడుములు అసియాడుచు సతు-
లొల్లనె దంచెదరోలాల
చ. 5:
కప్పుర గందులు కమ్మని పువ్వుల-
చప్పరములలో నోలాల
తెప్పలుగా రతిఁ దేలుచుఁ గోనే-
టప్పనిఁ బాడెదరోలాల