ఈ పుట అచ్చుదిద్దబడ్డది
రేకు: 0090-3 నాదరామక్రియ సం: 05-352
పల్లవి:
నెలఁతకుఁ గొండలతిమ్మని నేనిదె తోడ్కొనివచ్చెద
ఎలనాగలు మీరిందరు నేమరకుఁడి చెలిని
చ. 1:
వలపుల రెనికి చెంగలువల కొండము చొర మొక్కుఁడి
అలులకు పూఁదేనియ సోయగములు మెయికొనుఁడి
ఫలరసములు మీఁదెత్తుఁడి పదరి చిలుకలకును గోవిలలకు
పొలఁతికి కెందమ్మిరేకులు పోయుఁడు బడిమిగను
చ. 2:
కట్టుఁడి సన్నపువలిపెము కర్పూరముఁ బన్నీరును
దట్టముగాఁ బైనలఁదుఁడి తరుణీమణికి
ఒట్టుఁడి జాజులు పరపున నొరపెరిఁగిన చెలికత్తెలఁ
బెట్టుఁచి మరుబలములచే బెగ్గిలి పడకుండ
చ. 3:
చిగురునఁ గెంపులు మొలచెను చిత్రము చూడఁగదమ్మా
మొగుడులపైనల చంద్రుని మూఁకలు మరిగినవి
మొగమున బిత్తరిచేఁతలు మును లేనివి చెలికబ్బెను
మగువయు తిరువేంకటపతి మమతల పరిణతలు
