ఈ పుట అచ్చుదిద్దబడ్డది
రేకు: 0090-1 ముఖారి సం: 05-350
పల్లవి:
కొండల గుబ్బల నాతో గోరాదిగొనేవు
కొండల నావులఁగాచిన కోడెకాఁడఁ గాన
చ. 1:
వంకలకురులదాన వద్దు నే నీకు మూఁడు-
వంకలవెంటఁ దిరిగేవాఁడఁ గాన
సంకుమెడదాన నీతో సరివచ్చేనా
సంకుచేతి నన్ను నీవు జట్టిగొంటి చాలదా
చ. 2:
యేనుఁగు నడుపుదాన నేల నే నీకు తొల్లి
యేనుఁగుఁ గాచినవాఁడ యేనుఁగాన
మీనుకవగంటిదాన మెచ్చేవా నన్ను మేటిఁ
మీననై జలదిలో మెరసినవాఁడను
చ. 3:
చీఁకటితురుముదాన చేరకు నన్ను
చీఁకటి నల్లనిమేని చెలువుఁడను
వేఁకపుఁ బిరుఁదుమీఁద వేయకు చెయి
వేఁకమైన భూమిమోఁచే వేంకటవిభుఁడను
