ఈ పుట అచ్చుదిద్దబడ్డది
రేకు: 0006-3 వరాళి సం: 05-034
పల్లవి:
తలఁచి వేరొకటాడఁ దడఁబడీని
మలసిన నీ కేల నోర మాట వెళ్ళీనే
చ. 1:
ఇంచుకంత నెరసున్నానేఁచిన రెప్పలవెంట
నించి నించి కన్నులలో నీళ్ళుగారీని
యెంచరాని నీకన్నులెదుట నాతఁడుండఁగాను
యెంచిన నిదుర నీకు నేల వచ్చీనే
చ. 2:
ఎక్కువభారము మేననించుకంత దోఁచినాను
తక్కరి యీ దేహమెల్లాఁ దల్లడించీనే
మక్కువ నీ విభుఁడు నీమతినిండి వుండఁగాను
వెక్కసాన నేరీతి వేగించేవే
చ. 3:
వెలయగఁ గోపమొకవీసమంత దోఁచినాను
కలిగిన ముదమెల్లా గాలిఁబోయీని
కలిసితినిదె వేంకటపతి నాతని-
నెలయింత తమకాన నేడ దాఁగేవే
