ఈ పుట అచ్చుదిద్దబడ్డది
రేకు: 0089-5 ఆహిరి సం: 05-348
పల్లవి:
ఉవిదతనులత యేఁటికులికి పడెనే
కవ మదనబాణాగ్నిఁ గాఁగదుగదా
చ. 1:
వనితలావణ్యంపు వదనశశికలములు
చనుగిరులపై నేల జారివడెనే
వెనకఁ దురమను రాహు వేవేలు రూపులై
తనర ముఖచందురుఁడు తలకఁడుగదా
చ. 2:
మొలకలై గుమురులై ముదితమై మరునంప-
ములుకులంతటనేల ముణుఁగఁబడెనే
పొలయు మరునస్త్రమటు పుంఖానుపుంఖములు
పొలఁతిమీఁదనె రాశివోయఁడు గదా
చ. 3:
కొమరైన పెనుదండు కుసుమాయుధుఁడు గదలి
తెమలి రాకిపుడెట్లఁ దిరుగఁబడెనే
విమలాంగికౌఁగిటను వేంకటేశ్వరునిఁ గని
భ్రమసి ప్రతిదండనుచు పదరఁడుగదా