ఈ పుట అచ్చుదిద్దబడ్డది
రేకు: 0089-4 ఆహిరి సం: 05-347
పల్లవి:
పచ్చిదేరే వలపు బయలువెరపు
నచ్చుగోరి నాటు కిన్నరి తంత్రి మీటు
చ. 1:
వెలయఁ జల్లనిగాలి విరులెదిర్చిన జాలి
తలఁప పూధూళి చిత్తజు వయ్యాళి
కలయ వెన్నెల వెలుఁగు కాలకూటపు నలుఁగు
పలుకుఁ దేనెలచిందు బడబాగ్నివిందు
చ. 2:
అగడు గోవిలకూఁత అంగన నొసలివ్రాఁత
నిగనిగని పన్నీరు నిప్పులయేరు
సొగసుచాలనిచోటు చురుకుటలుగుల పోటు
నగవుఁ జిలుకల నుడుగు నమ్మించు పిడుగు
చ. 3:
తనివోని రతికాఁక తప్పుసేయని యాఁక
వనితకీపతిమాట వలపుమూట
వినయంపు రతికింపు వేంకటేశ్వరు సొంపు
తనువుమెత్తనిపరపు తనువెల్లమరపు