ఈ పుట అచ్చుదిద్దబడ్డది
రేకు: 0089-2 ఆహిరి సం: 05-345
పల్లవి:
అప్పమైన నీయరే యమ్మలాలా నేఁ-
డప్పడా రగించీనదె యమ్మలాలా
చ. 1:
వాడుదేరి వదనము వడదాఁక నిందాఁక-
నాడివచ్చెఁ జూడరే యమ్మలాల
నీడకేఁగనెరఁగఁడు నిక్కపు బాలునివలె
ఆడనీడ దిరిగాడీనమ్మలాల
చ. 2:
వెడ్డు వెట్టీనాటలకు విచ్చేసేనని నన్ను-
నడ్డములాడకురే యమ్మలాల
దొడ్డివారియిండ్లెల్లాఁ దూరి తూరి పారాడీ-
నడ్డములు నిడుపులు నమ్మలాల
చ. 3:
వేఁకువజాముననుండి వెయిమారులారగించు
నాఁకటికోరువలేఁడమ్మలాల
తేఁకువ వేంకటగిరిదేవుఁడైన బాలుఁడిదె
ఆఁకతాడువట్టి తీసీనమ్మలాలా
