ఈ పుట అచ్చుదిద్దబడ్డది
రేకు: 0088-1 కాంబోది సం: 05-338
పల్లవి:
భారపుటూర్పులతోఁ బవళించీవి వీఁడె
కూరిమిసతులు మేలుకొలుపరమ్మా
చ. 1:
వేగినంతకునితఁడు వెలఁదులతోడి రతి
భోగించి వచ్చి నిద్రవోయీని
సోగకనురెప్పలు మూసుక యిప్పుడెంతేసిఁ
జాగరపుఁ బతితోడ చరచరమ్మా
చ. 2:
వొప్పైన సతులతో వుదరములోపల
యిప్పుడు నితఁడు సుఖియించీని
దప్పిదేరు తనమోముఁదమ్మితోడనిదె వీఁడె
వుప్పవడముగఁ బాదాలొత్తరమ్మా
చ. 3:
సరుగున మేలుకొని సరసపుఁ గౌఁగిట
గరగరికెల నన్నుఁ గలసీని
అరవిరి సురమున అలయుచును వీఁడె
తిరువేంకటపతిఁ దెలుపరమ్మా