ఈ పుట అచ్చుదిద్దబడ్డది
రేకు: 0087-3 ఆహిరి సం: 05-334
పల్లవి:
మోవిపై వీడెపు కెంపు ముచ్చటాడఁగ
చేవవచ్చి చిగురుపైఁ జిమ్మిరేఁగీనే
చ. 1:
వానగుబ్బలమీఁద వల్లెవాటుగా జార-
వేసిన వయ్యెదకొంగు వెంటఁ దూలఁగ
తీసిన ఘాతల ముద్దుఁదీగె చందురులమీఁదఁ
గానేటి వెన్నెలవలెఁ గానవచ్చీనే
చ. 2:
వేఁకపు నెరులకొప్పు వెక్కసపు విరులతో
తేఁకువమీరఁగఁ గడు దీపించఁగా
చీఁకటిలోపల మించు చిన్నిచిన్ని వెన్నెలలు
తోఁకచుక్కలై చూడఁ దొంగలించీనే
చ. 3:
పాదముల దాటించు పసిఁడి మట్టెల మోఁత
మోదపు కంకణరవముల మీరఁగా
గాదిలి నీ కౌఁగిటి వేంకటపతిమీఁదిపాట
వేదముల మీరినట్లు వెదచల్లీనే
