ఈ పుట అచ్చుదిద్దబడ్డది
రేకు: 0087-1 ముఖారి సం: 05-332
పల్లవి:
చాలుఁ జాలు నీ జాజర నన్ను
జాలిఁ బరచె నీ జాజర
చ. 1:
వలపు వేదనల వాడేను యీ-
తలనొప్పులచేఁ దలఁకేను
పులకలమేనితోఁ బొరలేను కడుఁ-
జలిగొని చల్లకు జాజర
చ. 2:
ఒల్లని నినుఁగని వుడికేను నీ-
చిల్లరచేఁతలఁ జిమిడేను
కల్లగందవొడిఁ గాఁగేను పైఁ
జల్లకు చల్లకు జాజర
చ. 3:
తివిరి వేంకటాదిప నేను నీ-
కవుఁగిటికబ్బితిఁ గడు నేను
రవరవ చెమటఁ గరఁగి నేఁడు యిదె
చవులాయను నీ జాజర
