ఈ పుట అచ్చుదిద్దబడ్డది
రేకు: 0086-6 ఆహిరి సం: 05-331
పల్లవి:
అలికి సంపెంగ తావికణఁగి నట్టు
తొలఁగీ నుదుట జారి తుమ్మిదల పిల్లలు
చ. 1:
వెలఁదియారను పాము వెంటఁబెట్టుకొని రాఁగా
తలఁకి చంద్రుఁడు వోయి దాఁగినట్టు
పలువెన్నె మెఱుఁగుల పయ్యదలోనె దాఁగె
చలివేఁడి మెఱుఁగుల చందమామపిల్లలు
చ. 2:
కోవిలపలుకుదాడి కోపగించి వెంటరాఁగా
తావుల చిగురువోయి దాఁగినట్టు
మోవి సూదివాటులై మొనసి కానవచ్చీని
మావుల చిగురులోని మాణికాలపిల్లలు
చ. 3:
భారమైన విరహతాపపు సూరియుండు రాఁగా
తారితారి చకోరాలు దాఁగినట్టు
కూరిమి వేంకటపతిఁ గూడిన తమకమున
గోరగించీనిదివో చకోరములు పిల్లలు
